काठमाडौं – नायक सौगात मल्ल र नायिका बेनिशा हमाल शीर्ष भूमिकामा रहेको फिल्म ‘सिटामोल’को प्रदर्शन मिति घोषणा भएको छ ।

निर्माण पक्षले नयाँ वर्षको अवसर पारेर सोमबार फिल्मको एक पोस्टर सार्वजनिक गर्दै प्रदर्शन मिति साउन २३ लाई तोकेको हो ।

पोस्टरमा सौगात र बेनिशालाई ग्रामीण जोडीका रुपमा प्रस्तुत गरिएको छ । वैशाखीको सहारामा उभिएका सौगातले हातमा रातो भाले बोकेका छन् । उनको छेउमा बेनिशा बच्चा बोकेर प्रशन्न मुद्रामा देखिन्छन् ।

निर्माण पक्षका अनुसार फिल्मले माओवादी जनयुद्धको कथा समेटेको छ । सौगातले सिनेमामा जनयुद्धकोका घाइते व्यक्तिको भूमिका निर्वाह गरेको बताइएको छ ।

यस फिल्ममा सौगात र बेनिशासहित लोकेन्द्र लेखक, भुगोल कार्की, हिउँवाला गौतम, दिनेश रेग्मी, समिप निरौला, जानुका विश्वकर्माको अभिनय रहेने बताइएको छ ।

तुल्सी देवी फिल्म प्रालीले जुनतारा फिल्मस्को सहकार्यमा निर्माण भएको ‘सिटामोल’को कथा प्रदीप भारद्धाज र निर्देशक राजबहादुर साने मिलेर लेखेका हुन् ।

फिल्ममा भुगोल कुमार कार्की र विकाश राज जोशी निर्माता यस फिल्मको लगानीकर्ता हुन् ।