काठमाडौं- गत १५ चैतमा म्यानमारलाई केन्द्रबिन्दु भएर गएको भूकम्पका कारण हजारौँले ज्यान गुमाएका छन् । थाइल्यान्डमा पनि शक्तिशाली धक्का दिएको भूकम्पका कारण धेरै क्षति म्यान्मारमै भएको छ।

७.२ म्याग्निच्युडको उक्त भूकम्पपछिको भौतिक क्षतिको अझै लेखाजोखा छैन । नेपाली सेनाको टोली पनि एक साता लामो राहत तथा उद्धार अभियानमा जोडिएर फिर्ता भइसकेको छ ।

अहिले पनि त्यहाँका भूकम्पपीडितलाई राहत र उद्धारको खाँचो छ। अहिले त्यहाँ नेपालीभाषीहरू पनि भूकम्पपीडितको राहत र उद्धारमा सक्रिय छन् ।

अहिले नेपाली भाषीहरूले भूकम्प पीडितको उद्धारमा जुटेकाहरूलाई खीर, खाना र पानी खुवाउँदै सेवा गरिरहेका छन् ।

अन्य भूकम्पपीडितिहरूलाई भने त्यहाँस्थित नेपाली भाषीले राहत बाँडिरहेका छन् । अहिले त्यहाँ समाजसेवी कालु पौडयालले सरकार नपुगेको ठाउँमा पुगेर राहत बाँडिरहेका छन् ।

उनले सरकारले राहत दिन नसकेका ठाउँमा पुगेर आफूले भूकम्पपीडित र उद्धारमा सक्रिय भएकालाई खानासहिका कुरा वितरण गरिरहेको बताएका छन् ।