काठमाडौं – लिभरपुल इङ्लिस प्रिमियरसिप फुटबल प्रतियोगिताको उपाधिको नजिक पुगेको छ।
घरेलु भूमिमा वेस्टहामसँग भएको सनसनीपूर्ण खेलमा २–१ को जित दिलाउने क्रममा कप्तान भर्जिल भान डिजिकले अन्तिम समयमा हेड गोल गरे।
१८ औँ मिनेटमा मोहम्मद सलाहको पासमा लुइस डियाजले गोल गर्दै लिभरपुललाई अग्रता दिलाएका थिए। ८६ औँ मिनेटमा एन्डी रोबर्टसनले आफ्नै पोस्टमा बल छिराए पनि खेल बराबरीमा सकिने सम्भावना प्रबल बनेको थियो।
६ चरणको खेल बाँकी रहँदा लिभरपुलले दोस्रो स्थानमा रहेको आर्सनललाई १३ अङ्कले पछि पारेको छ। लिभरपुलको ७६ तथा आर्सनलको ६३ अङ्क छ।
प्रतिक्रिया