काठमाडौं– तीन बैंकको आइतबारबाट संस्थापक शेयर बिक्रीमा रहेको छ । कुमारी बैंक, महालक्ष्मी विकास बैंक र सप्तकोशी डेभलपमेन्ट बैंकको संस्थापन शेयरधनीको नाममा हरेको शेयर बिक्रीमा आएको हो । 

कुमारीको संस्थापक शेयर धनीको नाममा हरेको २ लाख १४ हजार कित्ता शेयर बिक्रीमा रहेको छ । जसमा अन्य विद्यमान संस्थापक शेयरधनीले मात्र आवेदन दिन सक्नेछन् । 

३५ दिन भित्र बैंकको प्रधान कार्यालय, टंगाल वा कुमारी क्यापिटलको कार्यालय नक्साल नागपोखरी, काठमाडौंमा आवेदन दिनु पर्ने सूचनामा उल्लेख छ । 

शेयर भाउ भने बिक्रेताले तोके बमोजिम हुने सूचनामा उल्लेख छ । ३५ दिन भित्र संस्थापन शेयरधनीले नकिने अन्य व्यक्ति तथा संस्थाको लागि उक्त शेयर बिक्री खुल्ला गरिने सूचनामा उल्लेख छ । 

त्यस्तै, महालक्ष्मी विकास बैंकले १५ लाख १४ हजार २५ कित्ता संस्थापक शेयर बिक्रीमा ल्याएको छ । जसमा जो कोही व्यक्ति तथा संस्थाले आवेदन दिन सक्ने छन् । 

उक्त शेयरको मूल्य प्रतिकित्ता न्यूनतम ११० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । महालक्ष्मीको संस्थापक शेयरमा वैशाख १४ गतेसम्म आवेदन दिन मिल्नेछ । 

यसको बिक्री प्रबन्धक मुक्तिनाथ क्यापिटल, नारायणचौर नक्साल काठमाडौंमा रहेको छ । 

साथै, सप्तकोशी डेभलपमेन्ट बैंकले ४० हजार कित्ता संस्थापक शेयर बिक्रीमा ल्याएको छ । उक्त शेयरमा जो कोही व्यक्ति तथा संस्थाले आवेदन दिन सक्ने छन् । 

उक्त शेयरको प्रतिकित्ता न्यूनतम १०० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ ।
 
सप्तकोशीको शेयरमा वैशाख ८ गतेसम्म आवेदन दिन मिल्नेछ । बिक्री प्रबन्धक सिटिजन्स क्यापिटल, बाटुलेघर डिल्लीबजार काठमाडौं हरेको छ ।