कीर्तिपुर– पूर्वसचिव शङ्करप्रसाद पाण्डेको संस्मरणात्मक निबन्ध ‘सम्झनाका फूलहरू’ सार्वजनिक भएको छ। भौतिक विकास, पर्यावरण संरक्षण, मुलुकको कूटनीति, शिक्षा तथा प्रशासन सेवाका अनुभव समेटेरे तयार पारिएको पुस्तकको शनिबार कीर्तिपुरमा पूर्वप्रधानन्यायाधीश सुशीला कार्कीले विमोचन गरिन् ।

नेपाली साहित्यमा अनुपम मानिएको ‘मुनामदन’ का रचयिता महाकवि लक्ष्मीप्रसाद देवकोटाको प्रतिमा राष्ट्रसेवकका रुपमा ल्हासामा रहँदा स्थापना गराउँदाको अनुभव पनि पुस्तकमा समेटिएको छ ।

पुस्तक विमोचनपछि पूर्वप्रधानन्यायाधीश कार्कीले पुस्तकका माध्यमबाट राज्यव्यवस्था र त्यससँग सम्बन्धित विषय सार्वजनिक गरेर लेखकले आम पाठकलाई गुन लगाएकाे बताइन् ।

कवि प्रह्लाद पोखरेले पुस्तक नयाँ–पुराना दुवै पुस्ताले पढ्नुपर्ने बताए । काठमाडौं महानगरपालिका– १७ का वडाध्यक्ष रोजिना श्रेष्ठले पुस्तकका केही प्रसङ्ग हरेक नेपालीको जीवनसँग मिल्ने किसिमका भएकाले पुस्तक पठनीय भएको टिप्पणी गरिन् ।