काठमाडौं- नेपाल प्रहरीले शुक्रबार भद्रपुरस्थित सीमाक्षेत्रबाट पक्राउ गरेपछि दुर्गा प्रसाईंले आफू नआत्तिएको बताएका छन् ।

गत चैत १५ गते काठमाडौंको तीनकुनेमा राजावादी समूहको हिंसात्मक प्रदर्शनका जनकमाण्डर प्रसाईंलाई प्रहरीले पक्राउ गरेर काठमाडौं ल्याइसकेको छ ।

उनलाई चन्द्रगढी विमानस्थलसम्म प्रहरीले भ्यानमा हालेर ल्याएको थियो। त्यहीक्रममा उनले तीन शब्द बोल्न पाए ।

विमानस्थल टर्मिनलतिर प्रहरीले लैजाँदै गर्दा उनले तीन शब्द बोले । ‘म आत्तेको छैन, यो तस्करविरुद्धको लडाइँ हो, आफैँ पक्राउ दिएको हो’, प्रहरीले धकेल्दै गर्दा उनले भने ।

प्रसाईंलाई प्रहरीले भद्रपुर विमानस्थलबाट बुद्ध एयरको जहाजमा काठमाडौं ल्याइसकेको छ। खासमा उनी भारतको आसाममा पक्राउ परेका थिए । तर भारतसँग सुपुर्दगी सन्धि नभएका कारण प्राविधिक कुरा मिलाएर भद्रपुरबाट समातिएको उल्लेख गरिएको हो ।