काठमाडौं- राष्ट्रिय प्रजातन्त्र पार्टीका अध्यक्ष राजेन्द्र लिङ्देनले काठमाडौं महानगरपालिकाका मेयर बालेन्द्र साहमाथि कटाक्ष गरेका छन् ।

मंगलबार बल्खुमा आयोजित आमसभालाई सम्बोधनका क्रममा हिरो बनेर पत्र काट्न तयार नहुने भनेका हुन् ।

उनले सभास्थलको सबै फोहोर आफूहरूले उठाउने बताउँदै पत्रका र नागरिक समाजलाई अनुगमन गरिदिन पनि भनेका छन् ।

‘यहाँ कार्यक्रमस्थलमा नागरिक समाज र पत्रकारले पनि अनुगमन गरिदिनुस्’, उनले भने, ‘हामी सबै सफा गरेर जान्छौँ । हिरो भएर हतारमा पत्र काट्नेतिर नलाग्नुस् ।’

उता कार्यक्रमका उद्घोषक राजेन्द्र गुरुङले पनि बालेन्द्रलाई स्टन्टको फेसन बन्द गर्न सुझाए । ‘बालेन साहले स्टन्ट गर्ने फेसन चलेको छ । कसैको कार्यक्रम भयो कि पत्र काटिहाल्ने’, उनले भने, ‘यो पटक बालेनले पत्रका काट्न नपाओस् । साथीहरू सबैले फोहोर संकलन गरौँ । हामीले महानगरको गाडी बोलाइसकेका छौँ ।’