काठमाडौं- काठमाडौं- राष्ट्रिय प्रजातन्त्र पार्टीको शक्ति प्रदर्शन र सभा बल्खुमा सुरू भएको छ ।

बल्खुस्थित आमसभास्थलमा अहिले नेताहरूले सम्बोधन गरिरहेका छन् ।

राप्रपाले राजा र हिन्दु राज्य माग्दै मंगलबार काठमाडौंकोमा शक्ति प्रदर्शन गरेको हो । अहिले दीपक सिंह र ज्ञानेन्द्र शाहीसहितका नेताहरूले सम्बोधन गरिरहेका छन् ।

भृकुटीमण्डपमा गर्ने भनिएको प्रदर्शनका लागि स्थानीय प्रशासनले अनुमति नदिएपछि बल्खु क्षेत्रमा सभा गरिएको हो ।

सभालाई सम्बोधन गर्ने क्रममा नेताहरूले प्रधानमन्त्री केपी शर्मा ओली र गणतान्त्रिक दलप्रति आक्रमक अभिव्यक्ति दिएका छन् ।

राप्रपाले बागमती प्रदेशस्तरीय विरोधसभासहितको प्रदर्शन गरेको हो । अब वैशाख ७ गतेबाट काठमाडौं केन्द्रित आन्दोलन गर्ने राप्रपाका प्रवक्ता मोहन श्रेष्ठले बताएका छन् ।