काठमडौं– अमेरिकी राष्ट्रपति डोनाल्ड ट्रम्पले भन्सार शुल्क बढाउने घोषणा गरेपछि विश्वभरको शेयर बजार लगातार ओरालो लाग्दै गर्दा जापानको बजारमा भने वृद्धि देखिएको छ ।

जापानको प्रमुख शेयर बजार सूचक ‘निक्के २२५’ मंगलबार ६ प्रतिशतले वृद्धि भएको छ । मंगलबार निक्के २२५ १८७६ अंकले बढेर ३३ हजार १२ दशमलब ५८ विन्दुमा पुगेको छ ।

टोकियो स्टक प्राइस इन्डेक्स (टपिक्स) पनि मंगलबार ६.२६ प्रतिशतले बढेर बन्द भएको छ ।

ट्रम्पले भन्सार शुल्क घोषणाका कारण मंगलबारसम्म लगानीकर्ता आतंकित हुँदा विश्व शेयर बजारका प्रमुख सूचकहरु लगतार ओरालो लागेका थिए ।

यता विश्वको सबैभन्दा ठूलो मानिने अमेरीकी ‘एस एण्ड पी ५००’ भने हिजो घटेर बन्द भएको छ । एस एण्ड पी ५०० सोमबार ०.२३ प्रतिशतले घटेर ५०६२.२५ विन्दुमा आएको छ ।