इटहरी- नेकपा एमालेका स्थायी कमिटी सदस्य भीम आचार्यले कोशी प्रदेशमा बसाइँसराइ दर कम गर्न ब्यवस्थित सहरी निती बनाउनुपर्ने बताका छन् ।

कोशीका पूर्वमुख्यमन्त्री समेत रहेका उनले त्यसका लागि आफू लागिपरेको दाबी गरेका छन् ।

एमाले कोशी प्रदेश कमिटी, सहरी विकास विभागद्वारा इटहरीमा आयोजित ‘कोशी प्रदेशको सहरी विकासका लागि लिनुपर्ने नीति र गर्नुपर्ने कार्यहरूको सन्दर्भमा उपमहानगरीय अवधारणा’ विषयक गोष्ठीमा बोल्दै आचार्यले यस्तो बताएका हुन् ।

उनले ब्यवस्थित सहरका कारण राष्ट्रिय अर्थतन्त्रमा सहयोग पुग्ने (पर्यटन, उद्योग, रोजगार) र व्यवस्थित सहर निर्माण्मा लागि पूर्वाधार र सहरी सेवा सुविधालाई ब्यवस्थित गनुपर्ने बताए ।

त्यसका लागि प्रदेश सरकारले आवश्यक कानुन बनाउँदै नीति तर्जुमा गर्नुपर्न र त्यसका लागि आफू जस्तोसुकै सहयोग गर्न तयार रहेको बताए ।

कोशी प्रदेशमा अहिले पहाडी जिल्लाका बस्ती खाली भएर सहरमा बसाइँसराइ तीव्र भएकाले त्यसलाई रोक्ने र बसोबास व्यवस्थित बनाउने योजनासहित भनेर कार्यक्रम गरिएको सहरी विकास विभागका प्रमुख लोकेश निरौलाले बताए ।