काठमाडौं – बलिउड नायिका ज्याकलिन फर्नानडिजकी आमा किमको निधन भएको छ ।

भारतीय सञ्चारमाध्यमका अनुसार किमको आइतबार मुम्बईस्थित एक अस्पतालमा उपचारका क्रममा निधन भएको हो ।

किमलाई हृदयघात भएपछि गत मार्चमा २४ मा मुम्बईस्थित लीलावती अस्पतालमा भर्ना गरिएको थियो । उनीलाई त्यही अस्पतालमा राखेर उपचार गरिरहेको थियो ।

भारतीय मिडिया आजतकका अनुसार किमलाई आईसीयूमा राखेर उपचार गरिदै आएको थियो ।

किमलाई अस्पतालमा भेट्ने ज्याकलिननिकट रहेका नायक सलमान खान पनि केही समयअघि लीलावती अस्पतालमा पुगेको तस्बिर सार्वजनिक भएको थियो ।

पछिल्लो समय आमाको अस्वस्थताले ज्याकलिनले काममा कम समय दिएकी छन् । त्यहीकारण आईपीएलको उद्घाटन कार्यक्रममा उनी सहभागी भएकी थिइनन् ।

ज्याकलिन ‘हाउसफुल २’, ‘मर्डर २’, ‘किक’, ‘बद्रर्स’ जस्ता हिट फिल्मकी नायिका हुन् । पछिल्लो समय उनको अभिनय रहेको फिल्म ‘फतेह’मा प्रदर्शनमा आएको थियो ।