काठमाडौं– नेपालको विगत हेर्ने हो भने चैत महिना आन्दोलनका लागि उपयुक्त समय हो ।

अहिले पनि यही चैत महिनामा एकपछि अर्का पेशागत समूह र दलहरू सडकमा छन् ।

चैत १५ गते राजावादीहरूले आन्दोलन गर्दा दुईजनाले काठमाडौंको तीनकुनेमा ज्यानै गुमाए । त्यही दिन माओवादी केन्द्र नेतृत्वको समाजवादी मोर्चाको विरोध सभा भृकुटीमण्डपमा शान्तिपूर्ण रुपमा सकियो ।

राजावादीको आन्दोलन नसेलाउँदै चार दिनयता देशभरका शिक्षकहरू कानुन मान्दै आन्दोलनमा छन् । सोमबार उनीहरूले माइतीघरदेखि नयाँबानेश्वरको सडकमा सिठ्ठी बजाउँदै प्रदर्शन गरे ।

उनीहरूको प्रदर्शन जारी रहँदै गर्दा माइतीघरमण्डलमा स्वास्थ्यकर्मीको पोशाकसहित डाक्टर र नर्स देखिए ।

मन्त्रिपरिषद्‍बाट पारित भएको न्यूनतम् तलब ४८ हजार नदिई १९५०० मात्रै दिएर श्रम शोषण गरेको भन्दै उनीहरू आन्दोलित भएकाभ हुन् ।

श्रम शोषणविरुद्ध नेपाल मेडिकल कलेज जोरपाटीका डाक्टरहरू माइतीघरमा उत्रिएका हुन् । उनीहरूले कलेजबाट न्यूनतम् तलबसमेत नदिएर श्रमशोषण गरिरहँदा पनि सरकारी निकाय मौन बसेको गुनासो गरे ।