काठमाडौं- नेपाल विद्युत् प्राधिकरणका नवनियुक्त कार्यकारी अधिकृत हितेन्द्रदेव शाक्य र उक्त पदबाट बर्खास्त कुलमान घिसिङको मुद्दामा सुनुवाइ सकिएको छ ।

सर्वोच्च अदालतका न्यायाधीशद्वय डा. कुमार चुडाल र नित्यानन्द पाण्डेयको इजलासमा उक्त मुद्दाको सुनवाइ सकिएपछि आदेश आउन बाँकी छ ।

गत मंगरबारदेखि न्यायाधीशद्वय डा. चुडाल र पाण्डेयको इजलासमा यो मुद्दामा निरन्त सुनुवाइ भएर तेस्रो दिन सकिएको हो ।

आफूलाई गैरकानुनी रुपमा प्राधिकरणको प्रबन्ध निर्देशकबाट हटाइएकाले पुनर्स्थापना माग गर्दै घिसिङ सर्वोच्च गएका थिए ।

उता नवनियुक्त प्रबन्ध निर्देशक शाक्यले आफ्नो पुरानो मुद्दा टुङ्ग्याइदिन माग गर्दै निवेदन दिएका थिए । दुवै रिट लगाउमा राखेर हेरिएको थियो । सुनुवाइ सकिएकाले हितेन्द्र र कुलमान दुवैको रिटमा एकसाथ आदेश आउनेछ ।