काठमाडौं– नेपाल सुपर लिग (एनएसएल) फुटबल प्रतियोगितामा आज ललितपुर सिटी र पोखरा थन्डर्सबीच प्रतिस्पर्धा हुँदैछ । खेल काठमाडौंको त्रिपुरेश्वरस्थित दशरथ रङ्गशालामा साँझ ६ बजे सुरु हुनेछ ।
जारी प्रतियोगितामा दुवै टोलीले आज दोस्रो खेल खेल्दैछन् । यस अघिको खेलमा ललितपुरले काठमाडौं रेजर्ससँग २–२ गोलको बराबरी खेलेको थियो भने पोखरा एफसी चितवनसँग २–० गोलले पराजित भएको थियो ।
लिगमा धनगढी एफसी, एफसी चितवन, ललितपुर सिटी एफसी, काठमाडौं रेजर्स, झापा एफसी, बुटवल लुम्बिनी एफसी र पोखरा थन्डर्स गरी सात टोली सहभागी छन् ।
प्रतिक्रिया