काठमाडौं – काठमाडौं उपत्यका प्रवेश गर्ने प्रमुख नाकाहरू कडाइ गरिएको छ। शुक्रबार भएको राजावादीहरुको आन्दोलन हिसांत्मक बनेपछि काठमाडौंका प्रमुख नाकाहरूमा कडाइ गरिएको प्रहरी स्रोतले बताएको छ ।

‘प्रमुख नाकाहरू कडाइ गर्नका लागि माथिबाट आदेश आएको छ’ प्रहरीका एक अधिकृतले खबर हबसँग भने, ‘आजको आन्दोलनमा अराजकता मचाउने कुनै पनि व्यक्ति नभागुन् भन्ने हिसाबले माथिबाट यस्ता आदेश आएको हुनसक्छ ।’

यसअघि शुक्रबार दिउँसो भएको राजावादीहरुको प्रदर्शनमा दुई जनाको ज्यान गएको छ । भने कयौं घाइते भएका छन् । प्रदर्शनकारीको अराजक समुहले विभिन्न स्थानमा तोडफोड, आगजनी र लुटपाट समेत गरेको थियो ।

अहिले काठमाडौंको तीनकुने आसपासको क्षेत्रमा कर्फ्य जारी गरि सेना परिचान गरिएको छ ।