काठमाडौं– राजावादीहरूले शुक्रबार प्रदर्शनका नाममा लुटपाटसहित अराजकता मच्चाएपछि केन्द्रीय सुरक्षा समितिको आकस्मिक बैठक बसिरहेको छ ।

गृह मन्त्रालयमा केन्द्रीय सुरक्षा समितिको आकस्मिक बैठक बसेको हो । बैठकले राजावादीको प्रदर्शनबारे रणनीतिक एजेन्डा बनाउने तयारी गरेको छ।

बैठकमा गृहमन्त्री रमेश लेखक, काठमाडौंका प्रमुख जिल्ला अधिकारी ऋषिराम तिवारी, सुरक्षा प्रमुखहरू र गृह मन्त्रालयका उच्च अधिकारीसहित उपस्थित छन् ।

काठमाडौंका सहायक प्रमुख जिल्ला अधिकारी अशोककुमार भण्डारीका अनुसार बैठकका लागि प्रमुख जिल्ला अधिकारी तिवारी गृहमन्त्रालय पुगिसकेका छन् ।

राजावादीहरुले पछिल्लो पटक कोटेश्वर भाटभटेनी सुपर स्टोर आगजनी र तोडफोड गरेका छन् । तीनकुनेमा तोडफोड गरेलगत्तै कोटेश्वर पुगेर भाटभटेनीमा अहिले लुट मच्चाइरहेका छन् ।