काठमाडौं- समाजवादी मोर्चा र राजवादीहरूको प्रदर्शनका कारण काठमाडौंको सवारी व्यवस्थापन अस्तव्यस्त भएको छ।

राजावादीहरूले तीनकुने र गणतन्त्रवादीहरूले भृकुटीमण्डपको सडकमा प्रदर्शन गर्ने हुँदा उपत्यकाभरको ट्राफिक व्यवस्थापन अस्तव्यस्त भएको हो ।

सकेसम्म दुई पक्षबीच भेट हुन नदिन सचेत रहेको सरकारले सडकमा व्यापकमात्रामा ट्राफिक प्रहरी र सुरक्षाकर्मी खटाएर डाइभर्सन गरिरहेक छ

काठमाडौंका नयाँबानेश्वर, माइतीघर, तीनकुने र दरबारमार्गसहितका मुख्य सडक क्षेत्रमा डाइभर्सन गरेर प्रवेश निषेध तथा एकतर्फी बनाइएको छ।

समाजवादी मोर्चाको जनसभामा शीर्ष चार नेताले मात्रै सम्बोधन गर्ने भएका छन् । त्यसअघि नै ट्राफिक प्रहरीले सडकको सुरक्षा व्यवस्था मिलाउने नाममा निषेध गर्दा नियमित र अन्य कामले बाहिर निस्किएका सर्वसाधारणलाई ठूलो सास्ती भएको छ ।