वाशिङ्टन – अमेरिकी राष्ट्रपति डोनाल्ड ट्रम्पले उनको क्याबिनेटको ग्रुप च्याट स्क्यान्डलमा आफूले केही गर्न नसक्ने बताएका छन्। ट्रम्पले यसमा राष्ट्रिय सुरक्षा सल्लाहकार माइक वाल्जलाई जिम्मेवार ठहर गर्दै यस्तो बताएका हुन्।

विदेशमन्त्री मार्क रुबियोले कसैले ग्रुप च्याटमा एटलान्टिकका सम्पादक जियफ्री गोल्डबर्गलाई निमन्त्रणा गरेर ठुलो गल्ती गरेको बताए। च्याटमा सम्पादक जोडिए पनि यसबाट कसैको जीवनमा जोखिम भने नआएको दाबी गरेका छन्।

गोल्डबर्गले भने विभिन्न किसिमको आक्रमणको प्रयासको साटो ह्वाइट हाउसले नै यसको जिम्मेवारी लिनुपर्ने बताएका छन्।

एटलान्टिकले प्रकाशित गरेको ग्रुप च्याटको विवरणमा रक्षा मन्त्री पिट हेगसेथले यमनमा गर्ने आक्रमण प्रस्तुत गरेका थिए।

राष्ट्रपति ट्रम्पले हेगसेथको भने खुलेर प्रशंसा गरे। उनले अमेरिकी सेनाले पनि सफलता पूर्वक काम गरिरहेको बताए।

ट्रम्प क्याबिनेटको ग्रुप च्याटमा पत्रकार जोडिएपछि यमन आक्रमणको योजना सार्वजनिक