दाङ – घोराही उपमहानगरपालिका–९ खैरास्थित साङ्ग्रिला काठ उद्योगमा आगलागी भएको छ। गए राति करिब २ बजेदेखि सुरु भएको आगो अहिलेसम्म नियन्त्रणमा आउन सकेको छैन।
प्रमुख जिल्ला अधिकारी कृष्णप्रसाद लम्सालले आगो निभाउन जिल्लाका सबै ठाउँकाट दमकल, टयाङ्कर, नेपाली सेना, नेपाल प्रहरी, सशस्त्र प्रहरी बल परिचालन गरिएको जानकारी दिए।
आगलागी भएको क्षेत्र नजिकै बस्ती रहेकाले त्यहाँका नागरिकलाई घरबाट बाहिर निकाली बस्ती जोगाउने काम भइरहेको प्रजिअ लम्सालले बताएका छन्।
अहिले आगो नियन्त्रणका लागि बाँके र रुपन्देही जिल्लाबाट समेत दमकल मगाएको उनको भनाइ छ। आगलागीको कारण खुल्न सकेको छैन।
प्रतिक्रिया