काठमाडौं – युरोपेली देशको विश्वकप छनोटमा इंग्ल्यान्डले सफलता पाएको छ। समूह ‘के’को खेलमा इंग्ल्यान्डले अल्बानियालाई २-० ले हरायो। इंग्ल्यान्डका लागि माइक लेविस स्केली र हेरी केनले गोल गरे।

यसैगरी डारियो सिट्सको गोलमा लाट्सभयाले एन्डोरासँगको खेलमा १-० को सफलता पायो। समूह एचको खेलमा बोस्निया हर्ज गोभिनाले रोमानियालाई १-० ले हरायो। विजयी टोलीका लागि आर्मिन जिजोभिकले गोल गरे। साइप्रसले सान मारिनोसँगको खेलमा २-० को सफलता पायो। साइप्रसको जितमा लोनिस पिटास र आन्द्रे नियोकिस काकुलिसको गोल समावेश थियो।

समूह ‘जी’को खेलमा रोबर्ट लेडवास्कीको गोलमा पोल्यान्डले लिथुवानियालाई १-० ले हरायो। अर्को खेलमा फिनल्यान्डले माल्टालाई सोही गोल अन्तरले हरायो। फिनल्यान्डका ओलिभर आटम्यानले गोल गरे।