काठमाडौं– ताप्लेजुङको पाथिभरामा केबलकार बन्न नदिने पक्षमा रहेका आदिवासी जनजातिहरूको समूहले बुधबार सिंहदरबार घेराउ गरेका छन् ।
मुक्कुमलुङ ताङ्सेःप चुम्भो र मुक्कुमलुङ संरक्षण अन्तरदलीय संघर्ष समितिले बुधबार सिंहदरबार घेराउ कार्यक्रम गरेका हुन् ।
उनीहरूले व्यवसायी चन्द्र ढकाल नेतृत्वको समूहले पाथिभरामा बनाउन लागेको केबलकारविरुद्ध आन्दोलनका क्रममा विभिन्न प्लेकार्ड र ब्यानरसहित प्रदर्शन गरेका हुन् ।
‘नो केबलकार’ अभियानका क्रममा सरकारलाई दबाब दिन प्रदर्शन भएको हो । यो प्रदर्शनमा विभिन्न राजनीतिक दलका कार्यकर्ता र अभियन्ताहरू पनि सहभागी थिए । विकासको नाममा भूमि बेच्न नपाइने बताउँदै उनीहरूले आन्दोलनबाट पछि नहट्ने बताएका छन् ।
प्रतिक्रिया