काठमाडौं- मंगलबार बिहान विभिन्न देशका २५ करोड अवैध रकमसहित पक्राउ परेका ट्रक चालक यसअघि पनि ७ केजी सुनसहित पक्राउ परेको खुलेको छ ।
काठमाडौं उपत्यका अपराध अनुसन्धान कार्यालयका प्रमुख एसएसपी रमेश बस्नेतका अनुसार २५ करोड नगदसहित पक्राउ सिन्धुपाल्चोकका ३९ वर्षीय कुसान लामा यसअघि ७ केजी सुनसहित पक्राउ परेको खुलेको हो ।
सात केजी सुनसहित कलंकीबाट पक्राउ परेका उनी पाँच वर्ष जेल सजाय काटेर २०७८ सालमा छुटेको विवरण भेटिएको प्रहरीले जनाएको छ ।
उनलाई मंगलबार ट्रकमा फल्स बटम बनाएर राखिएको रकमसहित झोरबाट रसुवागढी हुँदै केरुङतर्फ जानेक्रममा प्रहरीले पक्राउ गरेको हो ।
प्रतिक्रिया