काठमाडौं – भिल्लारियल माथिको २-१ को कम ब्याक जितसहित रियल म्याड्रिड स्पेनिस ला लिगाको अङ्क तालिकाको शीर्ष स्थानमा उक्लेको छ।

रियलका लागि दुवै गोल केलिएन एम्बाप्पेले गरे। यो जितसँगै रियल म्याड्रिडले बार्सिलोनालाई ३ अंकले पछाडि छाडेको छ। बार्सिलोनाले आइतबार तेस्रो स्थानको एट्लेटिकोसँग खेल्ने छ।

भिल्लारियल भने लगातार दुई खेलको हारपछि तालिकाको पाँचौँ स्थानमा झरेको छ। शनिबार घरेलु भूमिमा भएको खेलमा हुवा फोइथले भिल्लारियललाई अग्रता दिलाएका थिए।

खेलको १७ औँ मिनेटमा ब्राहिम डियाजको थ्रु पासमा बराबरी गोल गरेका एम्बाप्पेले २३ औँ मिनेटमा विजयी गोल गरे।

ला लिगाका शनिबार भएका खेलमा गेरोना र भ्यालेन्सियाबीच १-१ गोलको बराबरी भयो। मालार्कोले इस्पानियोलाई २-१ ले हरायो। सेलभिगोले रियल भालाडोलिडलाई १-० ले हरायो।