काठमाडौं – स्पेनिस ला लिगाको आइतबार भएको खेलमा रियल म्याड्रिडले रायो भल्कानोलाई २-१ ले हराएको छ। जितपछि रियल र बार्सिलोनाको अंक बराबर भएको छ।

एक दिन अघि बार्सिलोनाको ओसासुनासँगको निर्धारित खेल टिमका पुराना डाक्टरको निधनले स्थगित भएको थियो।

आइतबारको खेलमा ३० औँ मिनेटमा केलिएन एम्बाप्पेको गोलमा रियल म्याड्रिडले अग्रता लिएको थियो। त्यसको चार मिनेटपछि नै भिन्सियर जुनियरले अर्को गोल गरे।

पहिलो हाफको इन्जुरी समयमा भल्कानोको पेड्रो डियाजको प्रहार क्रस बारको भित्र लागेर गोलमा परिणत भएको थियो।

एट्लेटिको म्याड्रिड भने आइतबार गेटाफेसँग अप्रत्याशित रूपमा पराजित भयो छ। अलेक्जेन्डर सोरलोथको पेनाल्टी गोलमा पहिलो हाफमा एट्लेटिकोले अग्रता लिए पनि अन्तिम दुई मिनेटमा गेटाफेका माउरा आराम्बारीले दुई गोल गरेका थिए।

स्पेनिस लिगका अन्य खेलमा एथलेटिक क्लब र मार्लोका बीच ११ गोलको बराबरी भयो। रियल बेटिसले लास पल्मासलाई १-० ले हरायो। सेभियाले रियल सोसिडाडलाई १-० ले हरायो।

तालिकामा बार्सिलोना र रियल म्याड्रिडको ५७ अंक छ। एट्लेटिको म्याड्रिडको ५६ तथा एथलेटिक क्लबको ४९ अंक छ।