काठमाडौं– आगलागीका सम्भावित घटनालाई तत्काल नियन्त्रणमा लिन काठमाडौं महानगरपालिकाले प्रविधिको प्रयोगलाई अभ्यास गर्न थालेको छ । ४० जनालाई तालिम र अभ्यास गराइएका महानगरका विपद् व्यवस्थापन विभागका प्रमुख जगदिश अर्यालले जनकारी दिए । 

आज राष्ट्रिय सभा गृहमा भएको अभ्यासमा नगर प्रहरी, वारुण यन्त्र कार्यालयका अग्नि नियन्त्रक, प्रशासन विभाग, विपद् व्यवस्थापन विभाग, प्रशासन विभाग र सूचना प्रविधि विभागका कर्मचारी गराइएको अर्यालले बताए ।  

आगलागीका समयमा क्षति कम गराउन काम गर्नुपर्ने पक्षसँगै अग्नि दुर्घटना हुनै नदिनु सबै भन्दा उत्तम विकल्प भएकाले क्षमता विकास थालिएको अर्यालले बताए । 

महानगरसँग अहिले पूर्ण क्षमतामा काम गर्न सक्ने ४ वटा दमकल छन् । एउटा मर्मतका क्रममा रहेको छ । नयाँ सडकमा एउटा दमकल र एउटा रेस्क्यु ट्रक राखिएको छ । बालाजुमा २ वटा र रामहिटीमा एउटा दमकल छ । 

जनशक्ति ओसारपसार गर्न एउटा भ्यान र एउटा जिप छन् । यसै गरी ८ वटा फायर मोटरसाइकल सञ्चालनमा छन् । दमकलमा पानी थप्न एउटा पानी ट्याङ्कर छ । डुबानका समयमा पानी तानेर फाल्नका लागि ४ वटा पम्प छन् ।