काठमाडौं– क्रेष्ट माइक्रो लाइफ इन्स्योरेन्स कम्पनी लिमिटेडले सर्वसाधारणका लागि जारी गरेको साधारण शेयर (आईपीओ)मा मागभन्दा ६.५३ गुणा बढी आवेदन परेको छ ।

कम्पनीले सर्वसाधारणका लागि १८ लाख ४५ हजार कित्ता आईपीओ खुलाएको थियो । जसमा १ अर्ब २० करोड ५४ लाख ४५ हजार रुपैयाँ बरबरको १ करोड २० लाख ५४ हजार ४५० कित्ताका लागि आवेदन परेको छ ।

जुन आवेदन आईपीओ खुला गरेको दोस्रो दिन अर्थात शुक्रबार साँझ ५ः०७ बजेसम्ममा परेको सीडीएस एन्ड क्लियरिङ लिमिटेड (सीडीएस)ले जनाएको छ ।

कम्पनीले २२ लाख ५० हजार कित्ताको आईपीओ निष्कासन गर्ने अनुमति पाएको थियो । जसमा कम्पनीले २ लाख २५ हजार कित्ता वैदेशिक रोजगारीमा रहेका नेपाली, ६७ हजार ५०० कित्ता कर्मचारी, १ लाख १२ हजार ५०० कित्ता सेयर सामूहिक लगानी कोष र १८ लाख ४५ हजार कित्ता सर्वसाधारणका लागि शेयर निष्काशन गरेको छ ।

सर्वसाधारणका लागि खुला भएको आईपीओमा फागुन २६ गतेसम्म आवेदन दिन सकिने छ। आईपीओ न्यूनतम १० कित्तादेखि अधिकतम १० हजार कित्तासम्म भर्न पाइन्छ ।