बिहीबार टेक्सासबाट लन्च गरिएको केही बेरमै अर्बपति व्यापारी एवम् अमेरिकामा ट्रम्प प्रशासनका सदस्यद एलन मस्कको कम्पनी स्पेसएक्सको एक रकेटमा विस्फोट भएको छ।

अन्तरिक्षमा पठाइएको उक्त रकेट विस्फोट भएपछि अमेरिकामा कयौँ विमानस्थलमा हवाई उडान नै रद्द गर्नुपरेको छ। उक्त अन्तरिक्ष यानका भग्नवाशेषलाई लिएर अमेरिकी प्रशासनले चेतावनी जारी गरेपछि एयरपोर्ट बन्द गरिएको थियो ।

स्पेसएक्सले चालक दलका सदस्यबिनाको अर्थात् मानवरहित स्पेसशिप अन्तरिक्षमा जाने क्रममा गायब भएको थियो । उक्त यानसँग अहिले सम्पर्कविच्छेदको अवस्था रहेको बताइएको छ।

अहिलेसम्मकै सबैभन्दा ठूलो रकेट स्पेसएक्स स्टारशिप प्रक्षेपणको केही समयपछि पृथ्वीमा रहेको नियन्त्रण कक्षबाट सम्पर्कविहीन भएको थियो ।

यस घटनामा कसैलाई कुनै किसिमको चोट लागेको छैन । तर क्यारिबियन सागरकोके द्वीपीय देशबाट आएका तस्बिरहरूमा आकाशबाट आगोमा परिणत भएको भग्नवाशेष पृथ्वीतिर झरिरहेको देखिएको छ ।

यो अन्तरिक्ष यन परीक्षणको आठौं मिसन थियो । मस्कको कम्पनीको यान लगातार दुई पटक विस्फोट भएर असफल भइसकेका छन् ।