गोरखा– गोरखाको धार्चे गाउँपालिका–२ केरौजामा मङ्गलबार सञ्चालित निःशुल्क स्वास्थ्य शिविरमा ७७४ जनाले उपचार सेवा लिएका छन् ।
शिविरमा एक सय ७७ जनाले स्त्री तथा प्रसूति र तीन सय ३४ जनाले नाक, कान र घाँटी, एक सय ५६ जनाले युएसजी र ७२ जनाले ईसीजी सेवा लिएका थिए ।
काठमाडौंस्थित ग्रीन सिटी हस्पिटलको प्राविधिक सहयोगमा मुटु फाउन्डेसनले आयोजना गरेको शिविरमा एक सय १७ जनाको पाठेघरको मुखको क्यान्सरको ‘भीआईए’ जाँच गरिएको फाउन्डेसनका अध्यक्ष धनबहादुर गुरुङले बताए ।
शिविरमा पाठेघर खस्ने समस्या भएका १० जनामा रिङ प्रेसरी’ राखेर उपचार गरिएको थियो ।
प्रतिक्रिया