काठमाडौं- इटाली राष्ट्रिय फुटबल टिमका पूर्व कप्तान जियानलुइजी बफोन सोमबार साँझ दशरथ रंगशालामा पुगेका छन् ।

करिब १५ हजार दर्शकमाझ उनी रंगशालाको ट्रयाकमा उत्रिए । उनले रंगशालाको ट्याक परिक्रमा गर्दा दर्शहरूले हुटिङसहित स्वागत गरे ।

एमालेनिकट राष्ट्रिय युवा सङ्घ नेपालको आयोजनामा जारी तेश्रो केपी ओली कप फुटबल च्याम्पियनसिपको समापन कार्यक्रममा प्रमुख अतिथिका रुपमा उनी आएका हुन् ।

इटालीका अन्तर्राष्ट्रिय गोलरक्षक बफोनलाई प्रधानमन्त्री ओलीले सोमबार बिहान सरकारी निवास बालुवाटरमा भेट गरेका हुन् ।

यही फागुन ११ गतेदेखि सुरु भएको उक्त च्याम्पियनसिपको फाइनल खेल सोमबार साँझ दशरथ रंगशालामा हुँदैछ । उपाधिका लागि त्रिभुवन आर्मी क्लब र मच्छिन्द्र क्लब भिड्दैछन् ।

तस्बिरहरू – नेपाल फोटो लाइब्रेरी