काठमाडौं – बार्सिलोना र एट्लेटिको म्याड्रिड बिचको कोपा डेल रे कप फुटबलको पहिलो लेग सेमिफाइनल ४-४ गोलको बराबरीमा सकिएको छ।

बार्सिलोना घरेलु भूमिमा भएको सनसनीपूर्ण खेलमा ५० सेकेन्डमा नै जुलियन अल्भारेजले एट्लेटिकोलाई अग्रता दिलाएका थिए। छैटौँ मिनेटमा एन्टेनियो ग्रिजम्यानले एट्लेटिकोका लागि अर्को गोल गरे।

खराब सुरुवात गरेको बार्सिलोना १९ औँ मिनेटमा पेड्रीको गोल मार्फत खेलमा फर्किएको थियो। त्यसको लगत्तै पाउ कुबारसीले बार्सिलोनाका लागि बराबरी गोल गरेका थिए ।

पहिलो हाफमा इनिगो मार्टिनेजले अर्को गोल गरे भने रोबर्ट लेवान्डोस्कीले थप गोल गर्दै बार्सिलोनालाई जित तर्फ अग्रसर गराएका थिए।

दोस्रो हाफको अन्त्यमा एट्लेटिकोका लागि मार्कोस लोरेन्टे र अलेक्जेन्डर सोर्लोथले गोल गरे। आठ गोल भएको खेल चारचारको बराबरीमा टुंगिएको हो।