सुर्खेत– राष्ट्रिय स्वतन्त्र पार्टीका प्रमुख सचेतक सन्तोष परियारले सांसद सूर्य थापा नेतृत्वको सहरकारी सम्बन्धी संसदीय छानबिन समितिले राम्रो काम गरेको भए पनि पार्टी सभापति रवि लामिछाने माथि प्रतिसोध साधिएको बताए छन् । 

सुर्खेतमा मंगलबार राष्ट्रिय स्वतन्त्र पार्टीले आयोजनाको गरेको पत्रकार सम्मेलनमा परियारले सहकारी छानबिन समितिले राम्रो प्रतिवेदन दिएको सभापति लामिछाने कतै नजोडिएको बताए ।  

सूर्य थापा नेतृत्वको संसदीय समितिले निकै मेहनत गरेर काम गरेको र त्यहाँ कतै सहकारीबाट पैसा ल्याउनेमा पार्टी सभापति लामिछानेको संलग्नता नदेखिएको बताए । 

‘उहाँले सहकारीबाट ऋण लिनका लागि त निवेदनलगायतका अन्य विषय जोडिएको हुनुपर्थ्यो नि त ? त्यो कतै देखिँदैन,’ उनले भने,‘गोर्खा मिडियामा उहाँ त्यहाँ संलग्न हुँदा पैसा आयो । त्यहाँ आएको पैसामा लामिछानेको जबाफदेहिता रहनुपर्छ भनेर छानबिन समितिको प्रतिवेदनले भनेको यत्ति हो ।’

परियारले यत्ति भनेको प्रतिवेदनमा उहाँ(लामिछाने) माथि संगठित अपराध मुद्दा, सम्पत्ति शुद्धीकरणको मुद्दा लगाइयो र सहकारी ठगी भनियो यो प्रतिसोध भएको सचेतक परियारले बताए ।

‘जबकि त्यहाँ ठगी भनेको नै छैन । यस आधारमा हामीले भनेको के हो ? भने यो राजनीतिक प्रतिसोध भयो,’ उनले भने,‘आज मुद्दा हारिएला तर, इतिहासमा यसको उचित मूल्याङ्कन त होला नि ?’

सम्पत्ति शुद्धीकरणको मुद्दा लाग्ने बित्तिकै यता सांसद पद जिल्ला प्रहरी कार्यालय निलम्बन गरियो भनियो र एउटा सार्वभौम सांसदले संविधान नियमावली अनुसार चल्ने कुरा सांसद पद निलम्बन गरिनु प्रतिसोध भएको सचेतक परियारले बताए । ‘यस अर्थ यो प्रतिसोध भयो,’ उनले भने,‘अदालतमा विश्वास गर्छौँ । इतिहासका यसको समीक्षा गर्नेछ ।’

त्यस्तै, परियारले अहिले सभापति लामिछानेसँग निरन्तर आफ्नो छलफल भइरहेको र अदालतमा मुद्दा चलिरहेका कारणले कुनै पनि विषयमा नबोल्ने बताउनु भएको जानकारी दिए ।