झापा– दोस्रो संस्करणको भद्रपुर झापा गोल्डकप २०८१ को पहिलो सेमिफाइनलमा आज आयोजक भद्रपुर ब्लेजर्स र बङ्गलादेशको क्राउन बाजार प्रगति सङ्घबीच प्रतिस्पर्धा हुँदैछ ।
मेची रङ्गशालामा दिउँसो ३ बजे सुरु हुने खेलमा दुवै टोली जित निकाल्दै फाइनल यात्रा तय गर्ने लक्ष्यमा रहने छन् ।
गोल्डकपमा आयोजक ब्लेजर्सले विभागीय टोली नेपाल पुलिसलाई पराजित गर्दै सेमिफाइनलमा स्थान सुरक्षित गरेको थियो भने क्राउन बाजारले न्युरोड टिम (एनआरटी)लाई हराएको थियो ।
नेपालीसहित भारत, भुटान र बङ्गलादेशका १० टिमले भाग लिएको प्रतियोगिताको विजेता टोलीले १३ लाख तथा उपविजेता टोलीले सात लाख रुपैयाँ पुरस्कार प्राप्त गर्ने छन् ।
प्रतिक्रिया