काठमाडौं- त्रिभुवन विश्वविद्यालयसँग गुणात्मक रूपान्तरणरसतहमा देखिएका विकृति निर्मूलका लागि गरिएका प्रयासको कार्यप्रगति विवरण माग गरेको छ । 

काठमाडौं– नेपाली कांग्रेसको भ्रातृ संगठन नेपाल विद्यार्थी संघ (नेविसंघ)ले त्रिभुवन विश्वविद्यालयसँग गुणात्मक रूपान्तरण तथा सतहमा देखिएका विकृति निर्मूलका लागि गरिएका प्रयासको कार्यप्रगति विवरण माग गरेको छ । 

नेविसंघले सोमबार विश्वविद्यालय पुगेर उपकुलपति प्रा. डा. केशरजङ्ग बरालसँग गुणात्मक रूपान्तरण तथा सतहमा देखिएका विकृति निर्मूलका लागि गरिएका प्रयासको कार्यप्रगति विवरण माग गरेको हो । 

केन्द्रीय कार्यसमितिले गत चैत्र १८ गते उपकुलपति बराललाई बुझाइएको सुझाव पत्र बमोजिम कार्यप्रगति विवरण माग गरेको नेविसंघ प्रवक्ता सुरज सेजुवालले जानकारी दिए । 

सुझाव पत्रमा विश्वविद्यालयका उपकुलपतिको चार वर्षे कार्यकालको सोच पत्र र व्यावसायिक कार्ययोजना कार्यान्वयन भए–नभएको विषयमा जवाफ मागिएको उनले बताए । ‘हामीले झण्डै एक वर्ष अघि सुझाएका समस्या र समाधानका उपायहरू आंशिक रूपमा मात्रै कार्यान्वयन भएको पाइयो,’ प्रवक्ता सेजुवालले भने । 

उनले विश्वविद्यालयको गुणात्मक रूपान्तरणका लागि उठाएका मागहरू सम्बोधन नभए विश्वविद्यालयका पदाधिकारीविरुद्ध आन्दोलन गर्ने विषयमा उपकुलपति बराललाई सचेत गराइएको पनि बताए ।