काठमाडौं- जारी आइसीसी च्याम्पियन्स ट्रफी अन्तर्गत आइतबार बहुप्रतिक्षित भारत र पाकिस्तानबीचको खेल हुँदै छ ।
दुबईस्थित दुबई इन्टरनेशनल क्रिकेट स्टेडियममा हुने यो खेलमा पाकिस्तानले टस जितेर पहिला ब्याटिङ रोजेको छ ।
पाकिस्तानका कप्तान मोहमद रिजवानले टस जितेर पहिला ब्याटिङमा जाने निर्णय गरेका छन् । यससँगै भारतले पहिला बलिङको निम्तो पाएको छ ।
यस खेलमा पाकिस्तानले पछिल्लो खेलमा खेलेको टिममा एक परिवर्तन गरेको छ । पाकिस्तानले फखर जमानको स्थानमा इमाम उल हकलाई समावेश गरेको छ ।
भारतले पछिल्लो खेलमा खेलेकै टिमलाई आज खेलाएको छ । जारी च्याम्पियन्स ट्रफीमा भारतले पहिलो खेल जितेको छ । पाकिस्तानले आफ्नो पहिलो खेलमा हार बेहोरेको थियो ।
प्रतिक्रिया