काठमाडौं- कीर्गिस्तानमाथि फराकिलो जितसहित म्यानम्यार अन्तर्राष्ट्रिय महिला च्याम्पियनसिप २०२५ को फाइनल नजिक पुगेको छ ।

कीर्गिस्तानलाइ ५–० ले हराउँदै म्यानमारले आफूलाई उपाधिनजिक पुर्‍याएको हो ।

बिहीबार त्रिपुरेश्वरस्थित दशरथ रंगशालामा सम्पन्न दिनको पहिलो खेलमा म्यानमारले कीर्गिस्तानलाई ५–० ले हराएको हो ।

म्यानमारको जितमा यून वादी र मे एचटेट लुले समान दुई गोल गरे । एक गोल सन्दर लिनको नाममा रह्यो ।

पहिलो हाफमा ४ गोलको अग्रता लिएको म्यानमारले दोस्रो हाफमा थप एक गोल गरेर फराकिलो जीत हासिल गरेको हो ।

प्रतियोगितमा म्यानमारको यो लगातार दोस्रो जित हो । म्यानमारले पहिलो खेलमा लेबनानलाई ३–१ ले हराएको थियो ।

चार देश सम्मिलित प्रतियोगितामा नेपाल एक खेलमा तीन अंक जोड्दै अंक तालिकाको दोस्रो स्थानमा रहेको छ ।