सुर्खेत– नेपाली कांग्रेसका नेता शेखर कोइरालाले देशमा सुशासन नभएको बताएका छन् । प्रेस युनियन सुर्खेतले आयोजना गरेको पत्रकार सम्मेलनमा उनले अहिले देशको अवस्था नाजुक भएको र सुशासन नभएको बताएका हुन् । 

अहिले देशको अवस्था नाजुक रहेको र हामी सबैले गम्भीर भएर अगाडि बढ्नुपर्ने अवस्था आएको कोइरालाले बताए ।

 ‘सरकार समेत यसमा गम्भीर बन्नुपर्दछ,’ उनले भने, ‘हैन भने देश अप्ठ्यारोमा जान्छ । यो देशमा सुशासन  छँदै छैन।’  

अहिलेको गठबन्धन सरकार बन्नका लागि ७ बुँदे समझदारी गरेको र तर त्यो कार्यान्वयन नभएको कोइरालाले बताए । 

नेपाली कांग्रेस पुरै संस्थापन पक्ष रहेको र हामी सबै एउटै भएको बताए ।

 ‘कांग्रेसको विधान अनुसार समयमा महाधिवेशन गरौँ भनेको छु,’ उनले भने,‘महाधिवेशन समयमै गर्नुपर्छ। चुनावपछि महाधिवेशन गरेको खण्डमा कांग्रेसको हालत खतम बन्छ ।’