काठमाडौं– राष्ट्रिय स्वतन्त्र पार्टी (रास्वपा)ले भारतमा प्रकृति लम्सालको मृत्यु प्रकरणबारे गम्भीर ध्यानाकर्षण भएको जनाएको छ ।

मंगलबार रास्वपा कार्यवाहक महामन्त्री कवीन्द्र बुर्लाकोटीले एक विज्ञप्ति जारी गर्दै सो घटनाका विषयमा गम्भीर ध्यानाकर्षण भएको जनाएको हो ।

लम्साल मृत्यु प्रकरणबारे सत्य तथ्य छानबिन गर्न माग गरी नेपाली विद्यार्थीहरूले विरोध प्रदर्शन गर्दै गर्दा नेपाली विद्यार्थीहरूलाई निर्वासित (डीपोर्ट) गरी नेपाल पठाउनु केआईआईटी प्रशासनको कमजोरी भएको विज्ञप्तिमा औँल्याइएको छ ।

साथै सो घटनामा निष्पक्ष छानबिन गर्न नेपाल सरकार र सम्बन्धित निकायको ध्यानाकर्षण गराएको छ ।

भारतको ओडिसामा भुवनेश्वरस्थित केआईआईटी विश्वविद्यालय अध्ययनरत नेपाली विद्यार्थी लम्सालको रहस्यमय मृत्यु भएको थियो ।