काठमाडौं– डेनमार्कको डेनिस क्रोनर नोट फागुन मसान्तसम्म सटही नगरे साट्न नपाइने भएको छ ।

नेपाल राष्ट्र बैंकले सोमबार एक सूचना प्रकाशित गर्दै डेनमार्कको केन्द्रीय बैंकले सन् २०२५ मे ३१ पश्चात कानुनी ग्राह्यता खारेज गरेका डेनिस क्रोनर नोटहरू यही फागुन मसान्तसम्म सटही नगरेमा साट्न नपाइने जनाएको हो ।

राष्ट्र बैंकले डेनिस क्रोनर नोट भएका व्यक्तिहरूले फागुन मसान्तभित्र राष्ट्र बैंकको बैंकिङ विभाग, प्रदेशका कार्यालयहरू, विदेशी विनिमयको कारोबार गर्न इजाजतपत्र प्राप्त बैंक तथा वित्तीय संस्थाबाट तोकिएको समयमा साट्न भन्दै सूचनामा उल्लेख गरेको छ ।

त्यसपछिको समयमा भने डेनिस क्रोनर नोट सटही गर्न राष्ट्र बैंक लगायत सम्बन्धित निकाय बाध्य नहुने राष्ट्र बैंकले जनाएको छ ।