काठमाडौं– राप्रपा नेपालका अध्यक्ष कमल थापाले अत्यन्तै सम्भावना भएको नेपाली खेलकुद क्षेत्र फोहरी राजनीतिकरणका कारण तहसनहस भएको बताएका छन् । 

ठुलो उत्साह ,ऊर्जा र आत्मबल भएका खेलाडीहरू छन् ,तर खेलाडीहरूको ऊर्जालाई मार्ने काम भएको छ भन्दै थापाले आज खेलाडी पलायन सिङ्गो देशको लागि दुर्भाग्य भएको बताए ।

 चौथो विश्व क्योकुशीन तेजुका फुल कन्ट्याक्ट कराते प्रतियोगितामा नेपालको तर्फबाट सहभागी खेलाडी तथा अफिसियल टोलीलाई शुभकामना सहित बिदाइ गर्दै थापाले भने, ‘सिमित साधन स्रोतका बाजबुद पनि खेलाडी देशका लागि खेल्न तयार छन् तर राज्यसङ्ग कुनै नीति, कार्यक्रम, योजना छैन, यो दुर्भाग्य हो ।’ 

विश्व च्याम्पियनसिपमा भाग लिन टोलि पर्सि जापानतर्फ जाने छ ।