काठमाडौँ– चीनमा राज्यसञ्चालित एउटा रक्षा उपकरण निर्माता कम्पनीका उपमहानिर्देशकमाथि भ्रष्टाचारको आरोप लागेको छ । चीनको केन्द्रीय अनुशासन निरीक्षण आयोगले चाइना साउथ इन्डस्ट्रिज ग्रुप कर्पोरेसन (सीएसजीसी) का उपमहानिर्देशक लिउ वेइडोङमाथि छानबिन थालेको छ ।

‘कम्युनिष्ट पार्टीको अनुशासन र कानुनको गम्भीर उल्लङ्घन गरेको’ आशंकमा उनीमाथि छानबिन थालिएको साउथ चाइना मर्निङ पोस्टले उल्लेख गरेको छ । सीएसजीसी चिनियाँ जनमुक्ति सेनाका लागि रक्षा उपकरण उत्पादन गर्ने मुख्य कम्पनी हो । यो कम्पनी पछिल्ला केही वर्षयता फच्र्युन ५०० को सूचीमा पनि समावेश हुने गरेको छ ।

स्टकहोल्म इन्टरनेशनल पिस रिसर्च इन्स्टिच्युटका अनुसार यस कम्पनी संसारको २८ औँ ठूलो रक्षा उपकरण निर्माता पनि हो । इन्जिनियरका रूपमा आफ्नो करिअर शुरु गरेका लिउ सन् २०१८ मा उक्त कम्पनीको उपमहानिर्देशक बनेका थिए ।