काठमाडौं – किर्गिस्तानको नादेझ्दा कप महिला फुटबल प्रपितयोगितामा नेपाली राष्ट्रिय महिला टोलीले ताजकिस्तानलाई पराजित गरेको छ ।

सेन्ट्रल स्टेडियममा भएको खेलमा नेपाली राष्ट्रिय महिला टोलीले ताजकिस्तानलाई १–० गोल अन्तरले पराजित गरेको हो ।

खेलको ८६ औं मिनेटमा नेपाली टोलीका लागि स्टार खेलाडी सावित्राले हेड मात्रर्फत गोल गरेकी हुन् । पेनाल्टी बक्सभित्रबाट सावित्राले गरेको डेड सोझै ताजकिस्तानको गोल पोष्टमा पुगेको थियो ।

जीतसँगै नेपाली टोली फाइनल पुगेको छ । यसअघि किर्गिस्तानलाई ८–२ पराजित गरेको नेपाल दोस्रो खेलमा उज्वेकिस्तानसँग २–० पराजित भएको थियो । लिगमा २ खेल जितेको महिला टोली नादेझदा कपको फाइनल पुगेको छ ।

१३ दक्षिण एसियाली खेलकुद (साग) को अभ्यासमा रहेको नेपाली टोली त्यसैको अभ्यासका खेलका रुपमा किर्गिस्तान पुगेको हो ।