काठमाडौं – इङ्लिस प्रिमियर सिपको शुक्रबार भएको खेलमा ब्रिङटनले चेल्सीलाई ३-० ले हराएको छ। खेलको २७ औँ मिनेटमा काउरो मिटोमाको शानदार गोलमा अग्रता लिएको ब्रिङटनले स्पष्ट जित निकालेको हो।

ब्रिङटनका लागि थप दुई गोल खेलको ३८ र ६३ औँ मिनेटमा याकुवा मिन्टेले गरे। योसँगै ३० मिनेटको खेल बाँकी हुँदै उसले स्पष्ट जित दर्ता गरेको थियो।

गएरातिको खेलको यो हारका बाबजुद चेल्सी ४३ अङ्कसहित चौथो स्थानमा यथावतै छ। चेल्सी भन्दा एक खेल कम खेलेका म्यानचेस्टर सिटी, बोर्न माउथ र न्यु क्यासलले शनिबार हुने खेलमा जित हात पारे चेल्सीलाईपछि छाड्न सक्ने छन्। ब्रिङटन ३७ अङ्कसहित आठौँ स्थानमा छ।

९ नोभेम्बर यता ब्रिङटनले घरेलु भूमिमा पहिलो पटक कुनै खेलमा जित हात पारेको हो। यस अघि नटिङघम फरेस्टसँग ब्रिङटन ७–० ले पराजित भइसकेको छ।