काठमाडौं- गत पुस महिनामा केपी शर्मा ओली नेतृत्वको सरकारले ल्याएका ६ वटा अध्यादेशका कारण राजनीतिक संकट बढ्दै गएको छ।

नेपाली कांग्रेस र नेकपा (एमाले) मिलेर साना दलको समेत दुईतिहाइ नजिकको सरकारलाई अध्यादेश पारित गर्ने अवस्था नहुँदा नैतिक संकट परेको छ ।

खासगरी ओली नेतृत्वको सरकारलाई समर्थन गरेको जनता समाजवादी पार्टी नेपालका कारण तनाव भएको छ । राष्ट्रियसभामा तीन सिट रहेको जसपाले खासगरी माघ २ गते राष्ट्रपति रामचन्द्र पौडेलले जारी गरेको भूमिसम्बन्धी अध्यादेशको विपक्षमा उभिने निर्णय गरेपछि तनाव बढेको हो ।

यादवले सरकारमा बार्गेनिङसहित विपक्षमा उभिने बताएपछि ओलीका लागि टाउको दुखाइ भएको छ । जसपा पनि महन्थ ठाकुर नेतृत्वको लोकतान्त्रिक समाजवादी पार्टीले पनि अध्यादेशलाई समर्थन गर्न नसक्ने बताएको छ । लोसपा त अझ सरकारमै सहभागी छ ।

माघ १८ गते नै संसद्मा लगेर पारित गराउने योजनामा रहेका ओलीलाई दिन जति जति ढल्किँदै जाँदैछ, उतिउति दबाब पनि पर्दैछ । सरकारले अध्यादेशलाई संसद्‍बाट पारित गर्ने समय ६० दिनको हो । यो ६० दिनभित्र अध्यादेश पारित नगरेर सरकारलाई पनि समस्या हुन्छ । अध्यादेश फेल भएमा दुईतिहाइको सरका हल्लिने जोखिम पनि छ ।

ओलीले ६ वटै अध्यादेश पारित गर्न प्रतिनिधिसभामा समस्या छैन । राष्ट्रियसभामा पनि ३ देखि ४ सिट अभाव छ । यस्तोमा यो अध्यादेशको हात्ती ओलीले संसद्‍मा छिराइसके पनि पुच्छर भने उपेन्द्र यादवले ढोकामा समातेर बसिदिँदा दुईतिहाइको सरकारलाई तनाव भएको छ । यही सन्दर्भमा यो कार्टुनमार्फत् उपेन्द्रको अडान र ओलीको संकटलाई देखाउन खोजिएको छ ।