काठमाडौं– नेपाल समाजवादी पार्टी नयाँ शक्तिको अध्यक्ष पदमा विजयी भएका डा. बाबुराम भट्टराईले प्रतिस्पर्धी नेत्रप्रसाद चापागाईंलाई फराकिलो अन्तरले हराएका छन् ।

नेसपा (नयाँ शक्ति) को पहिलो महाधिवेशनमा ८७३ मत खसेकोमा चापागाईँले ७१ मतमा चित्त बुझाएका छन् । उता विजयी भट्टराईले भने ८ सय २ मत ल्याएका छन् ।

मतगणना सकिए पनि अन्तिम मतपरिणाम नआएकाले केही लतमाथि हुन सक्ने निर्वाचन समितिले जनाएको छ।

बाबुराम अध्यक्षमा निर्वाचित भएको बताउँदै उनलाई बधाई दिएका छन् । ‘मैले एजेण्डाले जितेँ । दाइले मलते जित्नुभयो । म फूलमाला किन्न आएको छु’, उनले भने ।

नेत्रले प्रतिनिधिहरूबाट आफूलाई ७१ मत मिलेकोमा खुसी व्यक्त गरे । ‘मैले ७० मत कटाएको छु रे । एकदम उत्साहित छु’, उनले खबरहबलाई भने ।