काठमाडौं – गएराति भएको च्याम्पियन्स लिग प्ले अफको खेलमा पिएसजीका आउसमाने डेम्बेले लियोनेल मेसी र क्रिस्टियानो रोनाल्डो जस्तै लिगमा दोहोरो ह्याट्रिकको रेकर्ड बनाउन चुकेका छन्। महत्त्वपूर्ण समयमा टिमका लागि दुई गोल गरेका उनी इतिहास बनाउन भने चुकेका हुन्। उक्त खेलमा पिएसजीले फ्रेन्च क्लब ब्रस्टलाई ३-० ले हरायो।

पिएसजीको जितमा आउसमाने डेम्बेलेले दुई गोल गरेका हुन्। उनी पिएसजीका लागि खेलिएका पछिल्ला ११ खेलमा १८ गोल गर्न सफल भएका छन्। यसअघि स्टुगार्टसँग भएको खेलमा उनले ह्याट्रिक पूरा गरेका थिए। गएरातिको खेलको ८२ औं मिनेटमा उनी मैदानबाट बाहिरिएपछि इतिहास बनाउन चुकेका हुन्।

उनले थप एक गोल गरेको भए महान् खेलाडी मेसीले सन् २०१६ मा तथा रोनाल्डाले सन् २०१७ मा बनाएको रेकर्डमा समावेश हुने थिए। अन्य कुनै खेलाडीले लगातार दुई च्याम्पियन्स लिग खेलमा ह्याट्रिक गरेका छैनन्।

२१ औँ मिनेटमा भिटिन्हो पेनाल्टी गोलमा अग्रता लिएको पिएसजीका लागि डेम्बेलेलले ४५ औँ र ६६ औँ मिनेटमा गोल गरेका हुन्। यी दुई बिचको दोस्रो लेग अर्को साता पिएसजीको मैदानमा हुनेछ।