काठमाडौं– कर्णाली नदीमा फसेको एस्काभेटरबाट ३ जनाको उद्धार गरिएको छ । आइतबार करिब २ बजे तिर मुगु जिल्लाको खत्याड गाउँपालिका र बाजुरा जिल्लाको हिमाली गाउँपालिका बिच झुगोलामा कर्णाली नदी पार्न खोज्दा जुम्लाबाट हुम्ला लैजान लागेको चालक सहित ३ जना रहेको एस्काभेटर कर्णाली नदीमा फसेको थियो ।
एस्काभेटर नदीमा फसे पछि नजिकै रहेको हिमाली गाउँपालिकाको पहलमा दुवै तर्फका नेपाल प्रहरी लगायत विभिन्न व्यक्तिहरूको प्रयासले करिब तिन घण्टा पछि तीन जनाको डुङ्गाबाट उद्धार गरिएको हो ।
आवश्यक मेसिन तथा उपकरण अभावले एस्काभेटर भने कर्णाली बाट निकाल्न सकिएको छैन ।
प्रतिक्रिया