काठमाडौं– रेमशलाल चौधरी संरक्षक रहेको नागरिक उन्मुक्ति पार्टी (नाउपा) का र डा. सीके रावत नेतृत्वको जनमत पार्टीबीच एकता तयारी भएको छ।

आइतबार डा. बाबुराम भट्टराई नेतृत्वको नेपाल समाजवादी पार्टी (नयाँशक्ति) को महाधिवेशनको उद्घाटन सत्रलाई प्रज्ञा भवन कमलादीमा सम्बोधन गर्दै नाउपा संरक्षक रेशमले यस्तो बताएका हुन् ।

चौधरीले डा. राउत र आफूहरू अहिले मुठ्ठी कसेर अगाडि बढिरहेको खुलाएका छन् । ‘यहीँ हाम्रै अगाडि हुनुहुन्छ डा. सीके रावत, उहाँ र हामी मुठ्ठी कसेर हात समातिसकेका छौँ’, उनले भने, ‘अब प्रयोग गर्नमात्रै बाँकी होला, सन्दर्भ आफैँ बुझ्न सक्नु हुन्छ।’

नेता चौधरीले डा. भट्टराई नेतृत्वको नेसपा (नयाँशक्ति), समीक्षा बास्कोटा नेतृत्वको विवेकशील साझा, जनमत र नाउपा मिलेर अगाडि बढ्नु अहिलेको आवश्यकता रहेको पनि तर्क गरेका छन् ।