पोखरा – पोखरा रंगशालामा जारी २४ औं आहारारा पोखरा गोल्डकप अन्तर्गत बुधबार भएको खेलमा मच्छिन्द्र फुटबल क्लबले सशस्त्र प्रहरी बल (एपिएफ)लाई २–० गोल अन्तरले पराजित गर्दै क्वार्टरफाइनल प्रवेश गरेको छ।
पहिलो हाफ गोलरहित बराबरीमा सकिए पनि खेलको ७४ औं मिनेटमा आदित्य शाक्यले अग्रता दिलाए भने ८१ औं मिनेटमा स्टेफेन कमाहाले अर्को गोल थपे। मच्छिन्द्रका स्टेफेन खेलको म्यान अफ दी म्याच घोषित भए।
अब मच्छिन्द्रले माघ २७ गते थ्रीस्टार क्लबसँग प्रतिस्पर्धा गर्नेछ। बिहीबार चर्च ब्वाइज युनाइटेड र न्यूरोड टिम (एनआरटी)बीच प्रतिस्पर्धा हुनेछ। प्रतियोगिताको विजेताले १२ लाख १ हजार र उपविजेताले ६ लाख १ हजार रुपैयाँ पुरस्कार प्राप्त गर्नेछन्।
प्रतिक्रिया