काठमाडौं– राष्ट्रिय जनमोर्चाका अध्यक्ष चित्रबहादुर केसीले राजनीतिक दलको चरित्र ठिक नहुँदा जनताले दुख पाएको बताएका छन् । 

प्रतिनिधि सभा सांसद समेत रहेका केसीले शुक्रबार प्रतिनिधि सभामा बोल्दै उनले प्रधानमन्त्री ओलीमाथि देशमा कति कलकारखाना र उद्योगधन्दा खोलेको छ भन्दै प्रश्न गरे । 

उनले संविधान संशोधन गर्ने भए प्रदेशको औचित्यबारे पनि समीक्षा गर्नुपर्ने बताए ।   

‘भूमिहीन किसानलाई भूमि दिन अध्यादेश बनेको हो ? करोडौँ खर्च गरेर विदेश जानुपरेको छ । सहकारीका कारण जनताहरू ठगिएका छन् । उनीहरूलाई क्षतिपूर्ति दिनुपर्छ ।’

उनले भने, ‘जनताको नेताप्रति घृणा छ । यो लोकतन्त्र गणतन्त्र जेल बसेर ल्याएको हो । माछा मिठा कडा तिता हुनुपर्छ । जनतालाई हामीले के दियौँ ? ’ 

उनले राजनीतिक दल नसचिए लोकतन्त्र गणतन्त्र मात्र हैन राष्ट्रकै शक्ति खतरामा पर्ने बताए । उनले राजनीतिक गर्ने मान्छे सफा इमानदार हुनुपर्ने बताए । 

उनले भने, ‘सत्ता शक्तिमा भएकाले जे गरे पनि हुने । प्रतिपक्षीलाई खेदी खेदी हाल्ने । भोलीको नयाँ पीढीले नाम लिँदा पनि मुख बङ्ग्याउने छ ।’