काठमाडौं- नेकपा माओवादी केन्द्रनिकट विद्यार्थी संगठन अखिल क्रान्तिकारीको महासचिवमा रोशन थापा मगर निर्वाचित भएका छन् ।
बुधबार पेरिसडाँडामा सकिएको मतगणनामा अध्यक्ष पुष्पकमल दाहाल प्रचण्डको साथमा उम्मेदवारसहितलाई हराउँदै थापा विजयी भएका हुन् ।
उनी माओवादीमा उपमहासचिव जनार्दन शर्मानिकट विद्यार्थी नेताका रुपमा चिनिन्छन् । थापा मगरले ६०१ मतसहित महासचिव पद पक्का गरे ।
महासचिवमा थापामगरसहित तिर्सना हमाल, पदमप्रसाद काफ्ले, प्रतीक कार्की, शिव बस्नेत, श्यामबहादुर रोक्का, सञ्जयकुमार महतो र सञ्जीव फुयाल मैदानमा थिए ।
प्रतिक्रिया